Azərbaycanın və SSR-nin xalq şairi, ictimai xadim Süleyman Rüstəm haqqında məlumatları sizinlə bölüşürük. Süleyman Rüstəm seçilmiş əsərləri və bir çox tamaşaları ilə insanların yaddaşına həkk olub.

Görkəmli dramaturq Süleyman Rüstəm, 1906-cı il martın 12-də Novxanı kəndində dəmirçi ailəsində anadan olmuşdur.

O, inqilaba qədər rus-tatar məktəbində oxuyub. Süleyman Rüstəm yazırdı ki, məktəbdə direktor və pedaqoq işləyən Süleyman Sani Axundov onun ədəbiyyata marağını oyatmışdır. M.Vəzirov, R.Tahirov, Ə.İsrafilbəyli kimi məşhur pedaqoqlar bu marağı gücləndirmişlər. Bakı Elektrik Texnikumuna, oradan isə Bakı Dövlət Universitetinin şərq fakültəsinə daxil olduqdan sonra sinif yoldaşları Cəfər Cabbarlı, Ə.Bədəlbəyli, V.Xuluflu olub. Görkəmli yazıçı Əbdürrəhim bəy Haqverdiyev kimi pedaqoqlardan dərs alıb.

1929-cu ildə Süleyman Rüstəm Moskva Dövlət Universitetinin ədəbiyyat və incəsənət fakültəsində təhsilini davam etdirir. 1937-ci ildən M.Əzizbəyov adına Azərbaycan Dövlət Akademik Dram Teatrının sədri işləyib. O, Azərbaycan Sovet Parlamentinin bütün çağırışlarının deputatı, 1971-1989-cu illərdə Azərbaycan SSR Ali Sovetinin sədri olub.

Süleyman Rüstəm təkcə şair deyil, həm də tərcüməçi, ədəbiyyat adamı idi. İ.A.Krılovun, A.S.Qriboyedovun, A.S.Puşkinin, M.Y.Lermontovun, N.A.Nekrasovun və başqalarının əsərlərini ana dilinə tərcümə etmişdir. Süleyman Rüstəmin əsərləri dünyanın bir çox dillərinə, eləcə də rus dilinə tərcümə olunub.

Süleyman Rüstəm şeirləri

Süleyman Rüstəm cənub şeirləri mövzusunda da bir çox əsərlər ortaya qoymuşdur. “Təbrizim” şeiri şairin cənuba necə bağlı olduğunu göstərən şeirlərdəndir. Bununla bərabər şair, “Könlümə Təbriz düşdü”, “İşıq”, “Yenə Araz qırağında”, “Yaralarım”, “Görsəm” kimi şeirləri ilə də vətəndən ayrı düşmüş və onun həsrətində olan soydaşlarımızdan danışır.

Onun 1927-ci ildə yazdığı “Ələmdən nəşəyə” adlı ilk şeirlər toplusu da şairin 1920-ci illərdə yazdığı digər şeirləri kimi komsomola, vətəndaş müharibəsinə, sovet hakimiyyəti uğrunda mübarizə aparan əsgərlərin şücaətinə həsr edilmişdir (“Partizan Əli”).

Süleyman Rüstəm Oğluma şeiri

Hər kəsin Oğluma nəsihət şeiri adı ilə tanıdığı, “Duz çörək” şeiri ilə şair gənclərə faydalı, əxlaqi keyfiyyətlər aşılayır. Oğluma nəsihət şeiri hər zaman gənclər tərəfindən sevilə-sevilə oxunacaq.

Rüstəm “Ədəbiyyat qəzeti”nin baş redaktoru işləyib. O, Azərbaycanın və SSRİ-nin bir çox nüfuzlu mükafatlarının laureatı olub.

Süleyman Rüstəm 1989-cu il iyunun 10-da vəfat etmiş və Bakıda Fəxri Xiyabanda dəfn edilmişdir.