Sahil Babayev: Şəhid ailələrinə 1500 mənzil və fərdi ev veriləcək

Böyük qələbə qazandığımız 44 günlük Vətən müharibəsindən sonra 2023-cü ildə şəhid ailələrinə və müharibə əlillərinə 1500 ev verilmişdir. Ötən dövrdə bu rəqəm 6 minə yüksəlib. Bu barədə Əmək və Əhalinin Sosial Müdafiəsi Nazirliyində keçirilən kollegiya iclasında məlumat verilib.

Nazir Sahil Babayev Prezident İlham Əliyevin tapşırıqları ilə şəhid ailələrinin və müharibə əlillərinin sosial müdafiəsinin gücləndirilməsi istiqamətində atılan mühüm addımları xüsusi vurğulayıb. Bu kontekstdə bildirilib ki, şəhid ailələrinin və müharibə əlillərinin mənzil təminatı proqramının müharibədən sonrakı dövrdə də uğurla davam etdirildiyi və 5 dəfə genişləndirilməsi təmin edilib. Bildirilib ki, bu il daha 1500 ev veriləcək.

Bundan əlavə, müharibədən sonrakı dövrdə 494, ötən dövrdə isə 7600 minik avtomobilinin əlillərə hədiyyə edildiyi və bu istiqamətdə tədbirlərin davam etdiriləcəyi bildirilib.

İclasda nazirliyin tabeliyində olan Sosial Xidmətlər Agentliyinin fəaliyyətinə də diqqət yetirilib. Məlumat verilib ki, bu ilin ilk iki ayında 1800-ə yaxın şəxsə sosial xidmət müəssisələrində xidmət göstərilib, 3900 nəfərə evlərində sosial ev xidməti göstərilib, 67 nəfərə sanatoriya-istirahət səfərləri təşkil edilib.

Bildirilib ki, ötən il Bakı və Sumqayıt şəhərlərində açılmış ixtisaslaşdırılmış sosial xidmət mərkəzlərində 500-ə yaxın əlil uşağa, bu ilin ilk iki ayında isə 149 əlil uşağa reabilitasiya üçün sosial xidmətlər göstərilib. Bildirilib ki, bu il Ağdam, Göyçay, Hacıqabul rayonlarında və Bakının Yasamal rayonunda belə mərkəzlər açılacaq.

Görüşdə körpələr evi-uşaq bağçalarının fəaliyyəti, o cümlədən uşaqların dövlət uşaq müəssisələrinə düşməsinin qarşısının alınması, çətin həyat şəraitində olan uşaqların və ailələrin sosial xidmətlərdən istifadəsinin təmin edilməsi istiqamətində görülən işlər barədə məlumat verilib.

Həssas qruplara dəstək tədbirləri və bu məqsədlə nazirliyin tabeliyində olan Sosial Dəstək Mərkəzi tərəfindən həyata keçirilən layihələrdən də söz açılıb. Bildirilib ki, şəhid övladlarının anaları ilə birgə səyahət və valideynlər üçün treninqlərin təşkili, müharibə iştirakçılarına və müharibə qurbanı olan qadınlara psixoloji dəstək, fərdi inkişaf təlimləri kimi məsələlərlə bağlı araşdırmalar aparılıb.